Минскиде өткөн түнү оппозициялык активист Юлия Стяпанованы белгисиз бирөөлөр үйүнө жакын жерде сабап кетишти. Алар Стяпанованын чачын кыркып, саясий активдүүлүгү үчүн орой сөздөр менен тилдегенин активист өзү бүгүн Фэйсбуктагы баракчасында кабарлады. Юлия Стяпанова Беларустун түрмөлөрүндө отурган оппозициялык саясатчылардын үй-бүлөлөрүнө жардам чогултуш үчүн интернетте түрдүү акцияларды өткөргөнү менен белгилүү болгон. Минскидеги тартип коргоо органдары бул окуя тууралуу комментарий берүүдөн баш тартышты.
