Дүйнөдө быйыл жумушсуздук өсөт

Дүйнөлүк экономикада жандануу күтүлгөнүнө карабай, жумушсуздук өсөрү тууралуу божомол БУУнун Эмгек уюмунун жаңы баяндамасында айтылат. Анда келтирилген маалыматтарга караганда, 2012-жылы жумушсуздар саны төрт миллионго көбөйүп, жалпысынан 197 миллионго жетти. Быйыл дагы 5,1 миллион, келерки жылы 3 миллион киши жумушсуз калары күтүлүүдө.

Глобалдык кризистен кийинки 2009-жылы дүйнөдө жумушсуздар саны калктын 6,21% түзгөн, 2013, 2014-жылдары бул көрсөткүч 6,01% болору күтүлүүдө. (UE)