Ош облусунун Алай районунда жер титиреди. Өзгөчө кырдаалдар министрлигинин маалымат кызматынын башчысы Абдишарип Бекиловдун "Азаттыкка" айтымында, кечээ, 22-январда кечке жуук Алайдын Сары-Таш айылынан 30 чакырым түштүк-батыш тарапта жер титирөө катталды. Күчү 3,5-4 баллга жетти. Бор-Дөбө айылында 3 балл, Сары-Таш айылында 2 балл сезилди. Алдын ала маалымат боюнча жабыркагандар жана кыйроолор катталган жок. (RK)
