Ооганстанда жанкечти НАТО кербенин бутага алып, бир нече адамды мерт кылды

Чыгыштагы Каписа провинциясында жанкечти айдаган машиненин жарылуусунан, жергиликтүү бийликтердин айтымында, беш адам мерт кетип, кеминде он беш киши жараат алды. Жарылуу базар жайгашкан аймакта болгон.

Полициянын айтымында, жанкечти НАТОнун жүк тарткан унааларын бутага алууну көздөгөн. Бирок бул мүдөөсү ишке ашпай, машинесин үйдү сүзүп туруп жардырган. Окуя учурунда НАТО аскерлери жабыр тарткан эмес.

Жардыруу үчүн жоопкерчиликти өзүнө "Талибан" кыймылы алды. (UE)