Байконур боюнча Казакстандын Орусия менен талашы жок

Бул тууралуу казак тышкы иштер министри Ерлан Идрисов Москвадагы басма сөз жыйында билдирди:

- Байконур космодрому биздин жалпы байлыгыбыз. Биздин жалпы милдетибиз - аны өнүктүрүү жана бул маанилүү технологиялык комплекстин иштөөсүнөн эки тарап үчүн дивиденттерди көбөйтүү.

Казак тышкы иштер министри Байконурдан улам Казакстан менен Орусия чатакташып жатат деген кеп-сөздөрдү ушак деп атады.

Орус тышкы иштер министри Сергей Лавров эки ортодо кандайдыр бир талаш жоктугун, "чымындан пил жасагысы" келгендер бардыгын белгиледи. (UE)