Тимбукту шаарынын акиминин айтымында, исламчыл козголоңчулар чегинип баратканда байыркы кол жазмалар сакталган жайды өрттөп кетишти. Аким Осмон Хал-Сиссенин айтымында, Ахмед Баба институту төрт күн мурда өрттөлдү. Түштүк Африка республикасы каржылаган китепканада маданият, илим, география боюнча «миңдеген байыркы кол жазмалар» күйүп кеткендигин аким «катастрофа» деп баалады. Бүгүн француз аскерлери Тимбуктунун аба майданын жана шаарга баруучу башкы жолдорду көзөмөлдөп турушат.
