Президенттикке талапкер Паруйр Айрикянды Ереванда кечээ кечинде белгисиз адамдар атышкандан кийин ооруканага алып кетишкен эле. Бул жараат талапкердин өмүрүнө коркунуч келтирбейт деп айтылууда. Тергөө башталды. Бир нече саясатчы, анын ичинде чабуулду айыптаган өкмөт башчысы Тигран Саркисян Айрикиандан ооруканага барып, кабар алышты. 18-февралдагы президенттик шайлоого бардыгы болуп сегиз талапкер катталган, алардын ичинен учурдагы мамлекет башчысы Серж Саркисян жеңет деп күтүлүүдө. Бирок Айрикянга кол салуудан кийин шайлоо белгиленген мөөнөттө өтөөр-өтпөсү анык эмес.
