Украиналыктар Кыргызстандагы туризм жөнүндө маалымат алды

Украинанын борбору Киев шаарында Кыргызстандын туристтик мүмкүнчүлүктөрүнүн презентациясы өттү. Иш-чараны Украинадагы кыргыз элчилиги уюштурду. Ысык-Көл, Сары-Челек, Соң-Көлдө эс алуунун артыкчылыгы, Хан-Теңири, Ленин, Жеңиш чокуларына чыгуу мүмкүнчүлүгү тууралуу кеңири маалымат берилип, Кыргызстан тууралуу видеотасма көрсөтүлдү.

Адистердин айтымында, соңку эки жылда Кыргызстанга келип кеткен чет элдик туристтердин саны көбөйүүдө. (RK)