Сириянын борбору Дамаскта машинеге катылган бомба жарылып, кеминде 60тан ашык киши набыт болуп, дагы ондогон адам жараат алды. Бул Сириядагы кандуу калаба башталгандар берки эң ири жардыруулардын бири болду. Өкмөттүк маалымат каражаттары башкаруучу “Баас” партиясынын жана Орусия элчилигинин жанында болгон жардыруудан 53 адам ажал тапты десе, оппозиция 59 адам набыт болгонун кабарлады. Жардыруудан Орусия элчилигинин имаратына зыян келди, дипломаттар жабыркабаганын элчиликтин кызматкерлери билдиришти. Бийликчил медиалар жардырууну президент Башар Асаддын каршылаштары уюштурган деген маалымат таратышууда.
