Орусия президенти Владимир Путин коомдук жайларда чылым тартууга тыйуу салган мыйзамга кол койду. 1-июндан күчүнө кирчү мыйзам коомдук транспортто, автобус жана темир жол бекеттеринде, метронун элеваторунда, кеңселерде, билим берүүгө жана саламаттыкка байланыштуу бардык жайларда тамеки тартканга тыйуу салат. 2014-жылы 1-июндан кемелерде, поездерде, мейманканаларда, кафе-ресторандарда да чылым чегүү токтотулат. Жаңы мыйзам чылымды жарнамалоого, тамеки чыгарчу компаниялардын маданий иш-чаралардын демөөрчүсү болгонуна да уруксат бербейт.
Орусия тамеки чегүү боюнча дүйнөдө алдыңкы орунда турган өлкөлөрдүн бири. Калкынын 40 проценти чылым тартат.
Орусия тамеки чегүү боюнча дүйнөдө алдыңкы орунда турган өлкөлөрдүн бири. Калкынын 40 проценти чылым тартат.
