Ысык-Көл: Январдагы зилзала чыгымы эсептелинди

Ысык-Көл облусунда ушул жылдын 28-январындагы жер титирөөнүн кесепетинен келтирилген материалдык чыгым эсептелинди.

Бул тууралуу "Азаттыкка" Өзгөчө кырдаалдар министрлигинин маалымат кызматынын башчысы Абдишарип Бекилов кабарлады. Анын айтымында, чыгымдын орточо жалпы суммасы бүгүнкү күнгө карата 26 миллион 960 миң сом болууда. Капиталдык оңдоого 156 турак үй муктаж. 126 үй авариялык жана 1 үй өтө кооптуу абалда.

Январдагы жер титирөөнүн күчү очогунда 6 баллга жеткен болчу. (RK)