Венесуэла: Уго Чавез бир буту жерде, бир буту көрдө

Венесуэланын вице-президенти Николас Мадуро "президент Чавес өмүрү үчүн кармашып жаткандыгын" билдирди. Мамлекеттик сыналгыдан сүйлөгөн сөзүндө Мадуро Чавестин абалы «татаал жана оор» экендигин билдирди, бирок башка маалымат берген жок. Венесуэланын бийликтери Чавес рактын кайсы түрүнөн жапа тартаарын, же эмне себептен Кубада дарыланаарын эч качан ачык айткан эмес. Чавес өткөн октярбда алты жылга кайра шайланган, бирок абалы кыйын болгондуктан, январдагы ант берүү салтанатына катыша алган эмес.