Бишкек - Ош унаа жолуна кар көчкү түшүү коркунучу бар жерде топтолгон ири көлөмдөгү кар жерге түшүрүлдү. Өзгөчө кырдаалдар министрлигинин маалымат кызматынын башчысы Абдишарип Бекиловдун "Азаттыкка" айтымында, Жалал-Абад облусунун Токтогул районунда Бишкек - Ош жолунун эң кооптуу делген 146-чакырымында бүгүн түштө 7 жолу артиллериялык атуу жүргүзүлдү. Жалпысынан түшкөн 700 миң куб метр кардын 24 миң кубу жолго түшкөн. Унаа жолу азыр убактылуу жабык турат. (RK)