Орусиянын маңзаттарын көзөмөлдөө боюнча федералдык кызматынын башчысы Виктор Иванов дүйшөмбү күнү Венада Улуттар уюмунун маң заттары боюнча комиссиясында сүйлөп, былтыр 154 миң гектарга апийим айдалганын, 2014-жылы негизги эл аралык күчтөр чыгып кеткенден кийин героин өндүрүшү Ооганстанда кескин өсөөрүн эскертти. Анын айтымында, 2001-жылы чет элдик аскерлер Ооганстанда терроризмге каршы операция баштагандан бери дүйнөдө ооган апийиминен 1 миллиондолн ашык адам өлдү. Ал 12 жылда аткезчилик жолдор менен ооган апийими 1 триллион долларга сатылганын да белгилей кетти.
