Бишкектеги Ала-Тоо аянтында “Кыргызстанды сактоо” кыймылынын курултайы башталды. “Азаттыктын” кабарчылары билдиргендей, азырынча аянтка жыйырмадан ашык адам топтолду. Буга чейин кыймылдын төрагасы Мукар Чолпонбаев курултайга беш миң киши чакырылганын айтып, иш-чара борбордук аянтта өтөөрүн билдирген. Курултайда камакка алынган депутаттарды бошотуу, Кыргызстандын кызыкчылыгына каршы келген кендерди казууну токтотуу, Кумтөр боюнча мыйзамсыз келишим түзгөн аткаминерлерди жоопко тартуу боюнча талаптар коюлаары кабарланган. (JAk/ZB/KKs)
