Пакистандын президенти Асиф Али Зардари Египет президенти Мухаммед Мурсини Сириядагы кандуу булоонду тынчтык жолу менен токтотконго көмөктөшүүгө чакырды. Зардари мындай үндөөнү бүгүн Исламабаддагы жолугушта жасады. Мурси 1960-жылдардагы президент Гамал Абдел Насердин сапарынан кийин Пакистанга келген Египеттин биринчи лидери. Ал бүгүн эле Индияга жөнөп кетти. Визит эки жактуу экономикалык кызматташууну бекемдөөгө багытталган.
