24-март күнү Жалал-Абад шаарында өтчү курултайды оппозициялык “Эл үнү” кыймылы уюштурууда. Кыймылдын лидери Азимбек Бекназаровдун “Азаттыкка” айтымында, курултайга эки революцияга катышкан саясий лидерлер, президент Алмазбек Атамбаев, экс-президент Роза Отунбаева жана көптөгөн депутаттар, оппозиция өкүлдөрү чакырылды. Бекназаровдун айтымында, курултайда 2005-жылдын 24-мартындагы жана 2010-жылдын 7-апрелиндеги элдик толкундоолордун сабактары, азыркы саясий кырдаал тууралуу сөз болот. (JAk)