ИИМ тараткан маалыматка караганда Мамлекеттик каттоо кызматы эл аралык издөөдө жүргөн түркмөнстандык 1953-жылы туулган жаранга (С.А.) 2011-жылы декабрда паспорт жасап берген. Анын жардамы аркылуу 2010-жылдан бери чоң өлчөмдө алдамчылык кылды деп издөөдө жүргөн түркмөнстандык жаран чет өлкөгө чыгып кеткен. Муну Интерполдун Кыргызстандагы улуттук борбордук бюросу аныктаган. Аныктаманын негизинде ИИМдин Ош облусу боюнча Башкы башкармалыгынын тергөө бөлүмү Кылмыш кодексинин документ жасоо, кызмат абалын ашыкча пайдалануу беренелери боюнча кылмыш ишин козгоп, тергеп жатат. (BuS)
