YouTube (юту́б) видеохостинг кызматы өзүнүн онлайн видеосайтына ай сайын 1 миллиарддан ашуун адам киргенин билдирди. Google компаниясы 2006-жылы юту́бду 1, 76 млрд. долларга сатып алганда, анын 50 млн. пайдалануучусу бар деп эсептелчү. YouTube серверине кирген адамдардын саны 1 млрд. га жеткенин Facebook Inc корпорациясы миллиарддык чекти ашканын жарыялагандан беш айдан соң 20-мартта билдирди. Facebook 2004-жылы Марк Цукерберг шериктери менен түзгөн дүйнөдөгү эң чоң социалдык желе.
