Уруп-соккон деп бир канча жолу айыпталган милиция кызматкерлеринин “кара тизмеси” түзүлөт. Бул тууралуу Ички иштер министрлигинин Байкоочулар кеңешинин төрагасы Сардар Багышбеков бүгүн Бишкекте Коомдук байкоочу кеңештердин жыйынында билдирди. Анын айтымында, былтыр тартип коргоо органдарындагы зордук-зомбулук тууралуу арыз көбөйгөн, бирок козголгон кылмыш иш азайган. Багышбековдун маалымдашынча, ушул тушта 40тан ашык кылмыш ишти сот карап жатат. Бирок милиционерлерге каршы өкүм дээрлик чыкпайт. (EBM)
