Кыргызстанда үч жылда 15 окуу жайдын лицензиялары жоюлган

Кыргызстанда соңку үч жыл ичинде 15 окуу жайдын айрым кесиптер боюнча лицензиялары жокко чыгарылды. Бул тууралуу Билим берүү жана илим министри Канат Садыков парламенттин бүгүнкү жыйынында билдирди. Буга окуу жайлардын профили айрым кесиптерди окутууга туура келбегени себеп болгон.

Кыргызстанда 50дөн ашык жогорку окуу жайы бар. Алардын 31и мамлекеттик болсо, 21и жеке менчик. (KKs)