Түштүк Африканын экс-президенти, Нобел сыйлыгынын ээси 94 жаштагы Нельсон Мандела өпкө инфекциясынан улам кайрадан ооруканага жаткырылды. Бул тууралуу Түштүк Африканын азыркы президенти Жейкоб Зуманын администрациясынан кабарлашты. Расмий маалыматка ылайык, Нельсон Мандела шаршембиден бейшембиге караган түнү ооруканага жеткирилди, анын абалы боюнча толугураак маалымат азырынча жок. Мандела буга чейин да декабрь айында ооруканада үч жума дарыланган.
