Иракта өкмөт өкүлдөрү билдиргендей, Тиркит шаарындагы кол салууда аз дегенде беш кишинин каны төгүлүп, 11и жараат алды. Баш калаа Багдаддан 180 чакырым түндүктөгү бул шаардын тартип коргоо жана саламаттык булактары билдиргендей, жүк ташыган машинадагы бомба бүгүн эртең менен жарылды. Азырынча жоопкерчиликти эч ким өзүнө ала элек, бирок бул өңдөнгөн кол салуу "ал-Каиданын" жергиликтүү бөлүмү - "Ирак исламдык мамлекет" уюмуна мүнөздүү.
