Бүгүн Ашгабадда Лавров түркмөн президенти Гурбангулы Бердымухаммедов жана тышкы иштер министри Рашид Мередов менен жолугушуп, билдирүүдө айтылгандай, “гуманитардык кызматташтыкты арттырууну” сүйлөшөт. Расмий кабарда түркмөн жаратылыш газын сатып алуу боюнча бир да сөз айтылган эмес. Газ маселеси эки өлкөнүн жетекчилеринин жолугушууларында буга чейин дайыма биринчи орунда болуп келген. Андан ары эртең Лавров Ташкенде Көз карандысыз мамлекеттердин шериктештигинин (КМШ) жыйынына катышмакчы.
