Бүгүн Жогорку Кеңеш депутаттары кылмыш дүйнөсүнүн аталыгы атыккан Азиз Батукаевдин абактан мөөнөтүнөн мурда бошотулуп, өлкөдөн чыгып кетиши боюнча маселе көтөрүштү. Бир катар депутаттар буга нааразылык билдирип, Батукаевдин бошотулушун алдын-ала даярдалган акция катары баалашты. Мындан улам депутаттар Жаза аткаруу кызматы, УКМК, Чек ара кызматынын жетекчилерин жана Акыйкатчыны парламент жыйынына чакырууну талап кылышты. Натыйжада аталган маселе күн тартибине киргизилип, түштөн кийин тиешелүү органдардын катышуусунда талкууланмай болду.(BkA)
