УКМК: Караколдо жер тилкелери мыйзамсыз сатылган

УКМК алдындагы коррупцияга каршы кызмат Каракол шаарынын аймагында мыйзамсыз жер тилкелери сатылганын аныктады. Бул тууралуу аталган органдын маалымат кызматынан кабарлашты. Маалыматка ылайык, мыйзамсыз жер тилкесин сатууга шаардык мэрия кызматкерлеринин жана жер бөлүү боюнча комиссия мүчөлөрүнүн катышы бар деп шектелүүдө.

Натыйжада УКМКнын тергөө бөлүмү Кылмыш кодексинин “жер мыйзамын бузган” деген берене боюнча кылмыш иши козгоп, иликтөө иштери башталды. (BkA)