Бүгүн өлкөнүн түштүгүндөгү Хайдерабад шаарында жолдо бараткан жеринен “Мутаххида Каюми кыймылы” партиясынын мүчөсү Факрул Исламды мотоциклчен бирөө атып өлтүргөн. Азырынча эч ким бул үчүн жоопкерчиликти өзүнө ала элек. Бирок аталган партиянын мүчөлөрү саясатчыны “террористтер” өлтүрүштү деп, ал жана башка секулярдык партиялар исламчыл козголоңчуларды сындашканы үчүн талиптер тарабынан коркутууларга дуушар болгонун айтышты. Пакистандын убактылуу премьер-министри Мир Хазар Хан Косо 11-майга белгиленген парламенттик шайлоонун талапкерлеринин коопсуздугун күчөтүүнү буйруду
