Депутат Жумабеков: Оштон балдарды Сириядагы согушка алып кетишүүдө

Ош облусунан өспүрүм балдарды Сириядагы согушка азгырып алып кетишүүдө деп билдирди бүгүн парламенттин жыйынында депутат Дастан Жумабеков. Анын айтымында, Араван районунан бир топ ата-энеден кайрылуу түштү. Алар белгисиз бирөөлөр мечитке барган балдарын азгырып, Түркия аркылуу Сирияга алып кетип жатканын билдирген.

БУУнун эсебинде, эки жылга аяк баскан Сирия жаңжалында 70 миңден ашуун кишинин өмүрү кыйылды. (ZB/RK)