Ош шаарында Чукул кырдаалдар министрлигинин куткаруу отрядында Эл аралык техникалык кызматташтык жана өнүктүрүү агенттигинин (АКТЕД) колдоосу менен кинология борбору ачылды. Аталган министрликтин маалымат катчысы Абдишарип Бекиловдун маалымдашынча, куткаруу иштеринде үйрөтүлгөн иттерге зарылдык айрыкча Нура айылында ири жер титирөөдө, Аксыдагы Райкомол айылындагы жер көчкү маалында жана июнь коогасында сезилген. Бул окуялардан кийин төрт ит багылып, үйрөтүлгөн, бирок алар үчүн керектүү шарттары бар борбор жок болчу. (EBM)
