Жогорку Кеңеш кечээки жыйынында "Мамлекеттик тил жөнүндө" мыйзамга киргизилген өзгөртүүлөрдү толугу менен жактырды. Жаңы жоболорго ылайык, мамлекеттик кызматта иштейм деген адам кыргыз тилин билүүгө милдеттендирилет. Көрнөк-жарнактарда мамлекеттик тилдин эрежелерин бузуу айып пул менен коштолот. Бул мыйзам долбоору убагында коомчулукта талкуу жаратып, киргизилип жаткан өзгөртүүлөр жарандардын конституциялык укугуна каршы келет деп сыпаттагандар болгон. Жаңы өзгөрүүлөр президент мыйзамга кол койгондон кийин күчүнө кирет. (KKs)
