Кыргыз-тажик чек арасындагы Ак-Сай – Ворух унаа жолу кайра ачылды. Бул жол 27-апрелде чек ара чатагынан улам эки тараптан тең жабылып калган болчу. "Азаттыктын" кабарчысынын айтымында, учурда кыймыл кайра калыбына келе баштады.
27-апрелде кыргыз тарап Тажикстандын Ворух айылын айланып өтчү Ак-Сай – Тамдык жолун кура баштаганда кыргыз жана тажик жарандарынын ортосунда чатак чыккан. Маалыматка караганда, ворухтуктар жол куруп жаткан тракторчуну сабаган. Мындан кийин Ак-Сайдын тургундары Ворух – Исфара жолун бууган. Эки тараптан эл чогулуп бири-бирине таш ыргыткан. Бир канча унаа жабыркап, сегиз адамга таш тийген.
Ворух – Тажикстандын Кыргызстандагы эксклавы. Баткен облусунун ичинде жайгашып калган бул анклавда отуз миңден ашуун калк бар. (JsA/RK)
27-апрелде кыргыз тарап Тажикстандын Ворух айылын айланып өтчү Ак-Сай – Тамдык жолун кура баштаганда кыргыз жана тажик жарандарынын ортосунда чатак чыккан. Маалыматка караганда, ворухтуктар жол куруп жаткан тракторчуну сабаган. Мындан кийин Ак-Сайдын тургундары Ворух – Исфара жолун бууган. Эки тараптан эл чогулуп бири-бирине таш ыргыткан. Бир канча унаа жабыркап, сегиз адамга таш тийген.
Ворух – Тажикстандын Кыргызстандагы эксклавы. Баткен облусунун ичинде жайгашып калган бул анклавда отуз миңден ашуун калк бар. (JsA/RK)