Бүгүн Бишкекте шахмат боюнча аялдар жана эркектер арасында Кыргызстандын чемпиондугу үчүн мелдештер аяктады. Оюн аялдар арасында 9, ал эми эркектер асында 11 айлампа менен өткөрүлдү. Жалпысынан таймашка 80 адам катышты. Натыйжада, эркектер арасында Кыргызстандын чемпиону наамын Асыл Абдыжапар, ал эми аялдар арасында биринчиликти Айжаркын Шынгыз кызы алды. Бул тууралуу Дене тарбия жана спорт агенттиги кабарлады. (EBM)
