Аймактык шайлоо комиссияларынын мүчөлөрүн тандоо башталат

Быйыл август айынан тарта өлкө боюнча аймактык шайлоо комиссияларынын мүчөлөрү кайрадан тандалат. Бул тууралуу Борбордук шайлоо комиссиясынын шайлоо жараяндарын уюштуруу башкармалыгынын башчысы Мырзабек Аргынбаев билдирди.

Аргынбаевдин айтымында, июлда аймактык шайлоо комиссияларынын мүчөлөрүнүн мөөнөтү аяктайт. Буга байланыштуу аймактардагы саясий партиялардын, тиешелүү органдардын өкүлдөрүнөн турган жаңы комиссия куралат. (BkA)