Бишкекте Билим фестивалы уланууда

Ишембиде башталган фестивалдын экинчи күнүндө “Театр жана балдар” аттуу конференция, “Сейтек” борборунда балдарга арналган жомоктор, спектаклдер коюлат. Ошондой эле кечээ башталган билим алуунун жол-жобосун үйрөткөн мастер-класс, жармаңкелер улантылмакчы. Уюштуруучулардын айтымында, Борбордук Ала-Тоо аянтына белгиленген айрым иш-чаралар бүгүнкү аба ырайына байланыштуу үзгүлтүккө учурап, айрымдары жабык жайларга которулду.

Билим фестивалы Кыргызстанда алгач ирет өтүп жатат. Бул иш-чараны экс-президент "Роза Отунбаеванын демилгелери" фонду уюштурууда.(BkA)