Коопсуздук боюнча мамлекеттик комитет "Кыргызагро" азык-түлүк корпорациясынын мурдагы жетекчиси Дүйшөнаалы Мамасалиевди камакка алды. Мекеме тараткан маалыматка караганда буга аталган ачык акционердик коомдун ишмердигиндеги коррупциялык көрүнүштөр боюнча козголгон кылмыш иши негиз берди. Мамасалиев 2011-2012-жылдары ун жана пахта сатып алуу үчүн бөлүнгөн мамлекеттин 32 млн. сомун мыйзамсыз чыгымдоого жана менчиктештирүүгө тиешеси бар деп шектелүүдө.(BuS)
