Бүгүн жергиликтүү медиа Ирандын тышкы иштер министри Али Акбар Салехинин АКШны жана Францияны “акыйкатсыз комментарийлери” үчүн сындаган пикирин басышты. Анда Салехи Батыш өлкөлөрү президенттикке талапкерлердин тизмесинен эки кишинин түшүп калышын сындаганын “өлкөнүн ички ишине кийлигишүү” деп атаган. 21-мартта Тегерандагы “Революция сакчылары кеңеши” президенттике ат салышуу үчүн арыз берген 686 адамдын ичинен жарышка сегизин гана каттаган. Бул өлкөдө 14-июнга белгиленген президенттик шайлоого азыркы мамлекет башчысы Махмуд Ахмединежад катыша албайт.
