200 жумушчу Бухаресттен 35 чакырымдай түштүктөгү Клинчени кыштагында тууну жайганга бир нече саат сарпташты. Дүйнөлүк рекорддордун Гиннес китебининин өкүлү Жэк Брокбанктын билдиришинче, туунун узуну 349 жана туурасы 227 метр, а салмагы 5 тонна. 200 адам аны асабасына бир нече саатта араң орнотушту. Желек-тууларды жасачу фабриканын башчысы Адриан Драгомирдин айтышынча, тууну жасаганга 70 километр жип жумшалган жана аны бириктирип тиккенге бир нече жума кеткен. Буга чейин дүйнөдөгү эң чоң туу Ливанда жасалган.
