Ооганстанда жети полиция кечки тамак маалында атылган

Бул тууралуу бүгүн Кандагар провинциясынын жергиликтүү бийликтери маалымдашты.

Алардын айтымында, полицейлер согушкерлердин таанышы болгон жана аларды көзөмөл бекетке кечки “сый тамакка” чакырышкандай. Согушкерлер болсо жети полицейди ошол жерде атып салып, алардын курал-жарагын да алып кетүүгө үлгүргөн.

Окуя Кандагардын Аргистан деген районунда болгон. Маалымат каражаттарына жөнөтүлгөн билдирүүдө, бул кол салуу үчүн жоопкерчиликти "Талибан" өзүнө алганы маалым болду. (UE)