Евразия Экономикалык кеңеши Беларус, Казакстан, Орусия мүчө Бажы союзунун башкаруучу органы. Аталган үч өлкө президенттеринин саммитинде - интеграциянын келечегине жана Евразия Экономикалык кеңешинин 2015-жылдан кийинки пландарына көңүл буруу мерчемделген.
Саммиттен кийин сүйлөшүүлөргө Кыргызстан жана Украина президенттери да кошулат.
Кыргыз президенти Атамбаев Астанага бүгүн барды. Кыргызстан келечекте Евразия Экономикалык кеңешине айлануучу Бажы союзуна кошулууну көздөсө, Украина байкоочу статусун алууга үмүттөнүүдө. (UE)
