Журабаев: Үсөновдун айыбы угузула элек

Медер Үсөновдун адвокаты Искендер Журабаевдин “Азаттыкка” билдиргенине караганда азырынча Үсөновго коюлган айыптар адвокаттарына тааныштырыла элек. Айып угузулгандан кийин гана аны баш коргоо чарасы өзгөрөт дейт адвокат. Үсөнов учурда УКМКнын убактылуу абагында кармалууда.

Буга чейин дагы бир адвокат Сартбай Жайчыбеков Үсөнов менен жолугуштурбай атышканын “Азаттыкка” маалымдаган.

Мыйзам боюнча бүгүн сот Медер Үсөновдун баш коргоо чарасын аныктоого тийиш.(ZKo)