Жогорку Кеңештин жыйынында “Ар-намыс” фракциясынан депутат, парламенттин төрага орун басары Бөдөш Мамырова Кумтөр кениндеги алтын менен күмүштөн башка дагы баалуу металлдар тууралуу суроо берди. Экономика министри Темир Сариев Кумтөрдө баалуу металлдар болгону менен кенди иштеткен ишканада алтын менен күмүш эле өндүрүү мүмкүнчүлүгү бар экенин айтты. Мамырова башка баалуу металлдар чыгарылып кетип жатат деп билдирип, муну көзөмөлдөөнү биринчи вице-премьер-министр Жоомарт Оторбаевден өтүндү. (EBM)
