Кыргызстанга 17-июнда жумушчу сапары менен Бириккен Улуттар Уюмунун баш катчысынын орун басары, Европа Экономикалык Комиссиясынын аткаруучу катчысы Свен Алкалай келет. Ал өлкөнүн мамлекет жетекчилери менен жолугуп, комиссия менен кызматташуунун келечеги, БУУнун атайын программаларынын потенциалын жогорулатуу, аймактык кызматташуунун деңгээлин жогорулатуу багытында сүйлөшөт. Бул тууралуу Тышкы иштер министрлигинин маалымат кызматы кабарлады. (КЕ)
