Облустук акимчиликтин алдында камактагы “Ата-Журт” фракциясынын депутаттарынын тарапкерлеринин митинги аяктады. “Ата-Журттун” аймактагы өкүлү Жеңишбек Токторбаев анда алысыраак айылдардан келгендерге ыраазычылык билдирип, соттун чечимин күтпөй тарай берүүгө чакырды. Азыр облакимчиликтин алдында тигилген боз үйдүн айланасында 50 чакты адам калды, алар да чекесинен тарай баштады. Анын алдында жүздөй адам чогулуп, камактагы депутаттар боюнча Бишкек шаардык сотунун чечимин күтүп жаткан болчу. (YA/EBM)
