Ысык-Көл, Нарын: жайкы кардын кесепетин тактоо уланууда

Өкмөттүн Нарындагы өкүлү Канатбек Муратбеков Нарында 600дөй кой-эчки кырылганын “Азаттыкка” билдирди. Кар калың түшкөн жайлоолорго дарыгерлер тобу жөнөп кеткенин, ошондой эле тоют жеткирилип жатканын айтты. 

Премьер-министр Жантөрө Сатыбалдиев 19-июнда Ысык-Көл менен Нарындагы кырдаалды талкуулады. Чукул кырдаалдар министри менен айыл чарба министри өкмөт башчынын тапшырмасы менен жаратылыш кырсыгынан чыгашага учураган аймактарды кыдырып жүрөт. (EBM)