Июнь башында ооруканага түшкөн Түштүк Африка Республикасынын мурдагы президенти, Нобел сыйлыгынын лауреаты Нельсон Манделанын абалы начарлоо үстүндө. Өлкөнүн расмий органдары тараткан маалыматка ылайык, дарыгерлер анын абалын абдан оор деп баалашууда. 94 жаштагы саясатчы 8-июндан бери ооруканада. Апартеидге каршы күрөшкөн Мандела жалпысынан түрмөдө 27 жыл отурган. 1990-жылы боштондукка чыгып, Түштүк Африкада биринчи кара өңдүү президент болгон.
