Нарында 23-июнда кечинде болгон куюн аралаш катуу шамалдан тогуз турак үй жабыркады. Өзгөчө кырдаалдар министрлигинин маалымат кызматынын башчысы Абдишарип Бекиловдун бүгүн "Азаттыкка" айтымында, шамалдын ылдамдыгы секундасына болжол менен 20-22 метрге жеткен. Нарын шаарында төрт үйдүн жалпы эсептегенде 201 даана шифери, Кара-Чий айылында беш үйдүн 131 шифери талкаланган. Адам өмүрүнө зыян тийген жок. Материалдык чыгымдын жалпы суммасы 184 миң сомду түздү. (RK)
