Бишкектеги катуу талкаланган "өпөң-чычаң" жол жакында оңдолот

Бишкек шаарынын түштүк-чыгыш тарабындагы Донецкая көчөсүнүн жолун оңдоо иштери бир аптадан кийин башталат. Бул тууралуу бүгүн шаар депутаттарына отчет берип жатып мэр Иса Өмүркулов билдирди. Депутатардын көбү шаардагы унаа жолдордун абалына токтолуп, эки жыл мурда оңдолгон көчөлөр азыр кайра жыртылып жатканын айтты.

Донецкая көчөсүнөн Орто-Сай базарынын жанынан өткөн унаа каттайт. Алардын көбү эл ташыган маршруттук таксилер жана автобустар. Бул жолдун эскилиги жетип, тешилип бүткөндүктөн жүргүнчүлөр аны "өпөң-чычаң" деп атап койгон. (RK)