Линктер

шейшемби, 21-ноябрь, 2017 Бишкек убактысы 10:54
Президент Алмазбек Атамбаев менен Жогорку Соттун Конституциялык палатасынын жаңы шайланган судьяларынын жолугушуусуна Жогорку Соттун төрайымы Феруза Жамашева, президенттик аппараттын жетекчиси Данияр Нарымбаев катышты.

Апрелде Сотторду тандоо кеңеши Конституциялык палатага сунуштаган 6 судьянын талапкерлигин президент жактырып, Жогорку Кеңешке жөнөткөн. Алар парламенттин да элегинен өтүштү. Касымалиев Мукамбет Конституциялык палатанын төрагалыгына шайланды.

Конституциянын аткарылышын көзөмөлдөгөн палатаны куроо аракети 2011-жылы башталган. Палата 11 судьядан турат, бешөө өткөн жылы шайланган.

Кыргызстанда Конституциялык Сот 2010-жылдагы апрель окуясынан кийин жоюлуп, анын ордуна Жогорку Соттун алдындагы Конституциялык палата киргизилген. (AKu)
XS
SM
MD
LG