Москвада бүгүн G20 ("Чоң жыйырма") уюмунун каржы министрлеринин жана башкы банк жетекчилеринин эки күндүк жыйыны башталды. Алар салык төлөөдөн качкан ири компанияларды аныктап, алар менен күрөшүү, маалымат алмашуу жолдорун талкуулап жатат. G20 уюмуна дүйнөдөгү жакшы өнүккөн жана өнүгүп келаткан 20 өлкө кирет. Ал 90-жылдардын соңундагы дүйнөлүк каржы кризисине байланыштуу түзүлгөн. Бүгүнкү жыйын сентябрда Москвада өтө турган саммитке даярдык көрүү маселесине да арналып уюштурулду. (RK)
