Миң-Куштагы жол ачылды

Бул тууралуу Өзгөчө кырдаалдар министрлигинен кабарлашты. 19-июлда Нарындын Жумгал районундагы Миң-Куш шаарчасына жакын жерге көлөмү 3600 куб метр көчкү түшүп, Миң-Куш - Алыскы-Миң-Куш жолун жаап калган. Эки күн бою өзгөчө кырдаал министрлигинин кызматкерлери тазалоо иштерин жүргүзүп, жол кечээ түш ченде ачылды.

Миң-Кушта өткөн жазда да ири жер көчкү түшүп, шаарча бир канча күн жарыксыз калган. (BkA)